Линктер

ЧУКУЛ КАБАР!
23-октябрь, 2020 жума, Бишкек убактысы 11:31

Трамп БУУну коронавирустан улам Кытайды жоопко тартууга чакырды


Дональд Трамп.

АКШнын президенти Дональд Трамп 22-сентябрда Бириккен Улуттар Уюмунун (БУУ) Башкы Ассамблеясынын 75-жыйынында видео кайрылуу жасады. Кошмо Штаттардын лидери анда Кытайды коронавирус пандемиясы, эл аралык макулдашууларды сактабаганы боюнча айыптады.

Ал өз сөзүндө «Кытай вирусу» деген сөздү дагы колдонду. Эл аралык коомчулукту «ушундай тумоону» таратканы үчүн Бээжиндин жоопкерчилигин кароого чакырды. Трамп «Кытай оору жаңыдан жайыла баштаганда эл аралык каттамдарды жаппай коюп, илдеттин жайылып кетишине өбөлгө түзгөн» деп билдирди.

Трамп ошондой эле БУУда COVID-19 боюнча Дүйнөлүк саламаттык сактоо уюмун (ДССУ) да күнөөлөдү.

Трамптан кийин сөз сүйлөгөн Кытайдын өкүлү АКШнын дооматтарын «таптакыр негизсиз» деп четке какты.

Трамп видео кайрылуусун Вашингтондо, Ак үйдө алдын-ала жаздырып койгон. Башкы Ассамблеяда сөз сүйлөгөн дүйнө лидерлеринин баары ушундай ыкманы колдонгон. Май айында эле БУУнун баш катчысы Антонио Гутерриш мамлекет башчыларын Нью-Йоркко келбөөгө, видео кайрылууларын алдын-ала жөнөтүп коюуга чакырган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG