Линктер

ЧУКУЛ КАБАР!
17-Сентябрь, 2021 жума, Бишкек убактысы 22:55

Комендатура: Бишкекте абал тынч


Бишкекте өзгөчө абал. 14-октябрь, 2020-жыл.

Бишкек шаардык комендатурасынын 15-октябрь, саат 00:00гө карата берген маалыматына караганда, баш калаада абал тынч. Шаардык милиция аскер кызматкерлери жана элдик кошуундун мүчөлөрү менен кошо калаанын коопсуздугун кайтарып турат.

Коменданттык саат 22:00дө башталган. Коомдук тартипти бузуу, талап-тоноо жана башка мыйзамсыз аракеттер катталган жок.

Эски аянтта да, президенттик резиденция тарапта да чогулган адамдар жок.

Бул тууралуу Бишкек шаардык комендатурасы маалымдады.

Мурдараак президенттин басма сөз катчысы Толгонай Стамалиева мамлекет башчынын жарлыгы менен киргизилген өзгөчө абалдын талаптары аткарылбай, көчөдө адамдар топтошуп жүргөнүн, милициянын аларды жоопко тартуу аракети байкалбай жатканын билдирген.

Президент Сооронбай Жээнбековдун жарлыгы менен 12-октябрдан 19-октябрга чейин Бишкек шаарынын аймагына өзгөчө абал киргизилген. Ага ылайык саат 22:00-5:00го чейин коменданттык саат жарыяланган. Бул убакта автоунаалар, коомдук транспорт жана жөө адамдар көчөдө жүрбөшү керек.

Өзгөчө абал учурунда күндүз массалык иш-чараларды, пикет-митинг, жүрүштөрдү өткөрүүгө тыюу салынган.

14-октябрь күнү Бишкекте эки жерде митинг өттү. Эски аянтта Садыр Жапаровдун тарапташтары президент Сооронбай Жээнбековдун бийликтен кетишин талап кылып турушту. Ал эми «Ысык-Көл» мейманканасынын алдында легитимдүү бийликти колдогон митинг өттү.(ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG