Линктер

ЧУКУЛ КАБАР!
18-Январь, 2021 дүйшөмбү, Бишкек убактысы 22:07

Канат Сагынбаев үй камагына чыгарылды, Фарид Ниязов абакта калды


Канат Сагынбаев.

Мурдагы президент Алмазбек Атамбаевдин жансакчысы, Улуттук коопсуздук мамлекеттик комитетинин 9-кызматынын мурдагы кызматкери Канат Сагынбаев үй камагына чыгарылды.

Бишкектин Биринчи май райондук соту 5-декабрда ушундай чечим кабыл алганын адвокат Замир Жоошев "Азаттык" радиосуна билдирди:

"Прокурорлордун аны Убактылуу кармоочу жайда калтыруу өтүнүчү каралып, сот аны канааттандырган жок. Канат Сагынбаев үй камагына чыкты".

Ал эми Фарид Ниязов камакта калды. Адвокат беш күн аралыгында шаардык сотко кайрыларын айтты.

Фарид Ниязов жана Канат Сагынбаев 2019-жылдын август айында Чүйдүн Кой-Таш айылында Алмазбек Атамбаевди кармоо операциясындагы башаламандыкка айыпталып кармалышкан. Алар №1 тергөө абагына камалып, быйыл 6-октябрдагы массалык башаламандык учурунда тарапташтары бошотуп алышкан.

Кийин кайра камакка алынып, октябрь окуяларына байланыштуу да иштери тергеле баштаган. (SE)

Пикирлерди көрүңүз (12)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG