Линктер

ЧУКУЛ КАБАР!
29-Сентябрь, 2021 шаршемби, Бишкек убактысы 08:52

Рамзан Кадыровдун 20 жаштагы кызы жетекчилик кызматка дайындалды


"Чеченстандын жүрөгү" деп аталган мечит. Грозный шаары.

Чеченстандын президенти Рамзан Кадыровдун 20 жаштагы кызы Хадижат Кадырова Грозныйдагы мектепке чейинки билим берүү департаментинин башчысы болуп дайындалды.

Бул тууралуу 11-декабрда парламенттин төрагасы Магомед Даудов "Инстаграмдагы" баракчасына жазганын "Кавказ.Реалии" сайты маалымдады.

Хадижат Кадырова 20 жашта. Мурдараак анын эжеси Айшат маданият министринин орун басарлыгына дайындалган.

Чеченстанда жетекчилик кызматтарга Кадыровдун жакындары арбын дайындалат. Ноябрь айында президенттин жакын тууганы Хас-Магомед Кадыров өкмөт башчысы болгон. Бир ай мурун дагы бир тууганы Висит Кадыров да жооптуу кызматка жетекчи болуп дайындалган.

Жакын туугандарын жетекчилик кызматтарга дайындоосуна айтылган сын пикирлерге жооп берип жатып, Рамзан Кадыров мындай маселелерге баш оорутпай турганын айткан.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG