Линктер

ЧУКУЛ КАБАР!
27-Сентябрь, 2021 дүйшөмбү, Бишкек убактысы 12:35

Ошто «Биримдиктин» талапкери мамлекеттик кызматка дайындалды


Ош шаарындагы митинг. 6-октябрь, 2020-жыл.

«Биримдик» саясий партиясынан парламенттик шайлоого талапкер болуп катталган Бекмурза Эргешов Ош шаарындагы муниципалдык «Жылуулук менен камсыздоо» ишканасынын жетекчиси болуп дайындалды. Мындай буйрукка Ош шаарынын мэри Таалайбек Сарыбашов 17-декабрда кол койгонун мэриянын басма сөз кызматы кабарлады.

Бекмурза Эргешов 4-октябрдагы парламенттик шайлоого партиянын тизмесинде 98-катар менен барган. Буга чейин Жол кыймыл коопсуздугун камсыздоо башкармалыгынын шаардык бөлүмүн жетектеген.

Социалдык тармактарда кыш чилдеде өлкөдөгү ири шаарда «Жылуулук менн камсыздоо» ишканасына жылуулук тармагына такыр тиешеси жок адамдын дайындалышына нааразы пикирлер айтылууда.

Бекмурза Эргешов шайлоонун жыйынтыгына нааразылык акциясы массалык тополоң менен коштолуп, бийлик алмашып жаткан 6-октябрь күнү Ош шаарындагы борбордук аянтта «Биримдик» партиясы уюштурган митингди алып барган. Анда чогулгандар Сооронбай Жээнбеков бийликте турганда жакшы жашоо болгонун белгилеп, бийликти сактап калуу зарыл экенин айтышкан. (ZKo)

Пикирлерди көрүңүз (12)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG