Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 21:14

Президенттин басма сөз кызматы «Мыйзамдуулук үчүн» жүрүшүндө айтылгандарды төгүндөдү


Нургазы Анаркулов, президенттин маалыматтык саясат бөлүмүнүн башчысы.

Президенттик аппараттын маалыматтык саясат бөлүмүнүн башчысы Нургазы Анаркулов 3-январдагы «Мыйзамдуулук үчүн» тынч жүрүшүндөгү талаптарды сынга алды. Ал бул тууралуу «Азаттыкка» билдирип, жүрүштө айрым талапкерлердин пайдасына административдик басым жасалып жатканы тууралуу айтылган маалыматтарды четке какты:

«Бүгүнкү күнү бардык талапкерлерге бирдей шарт түзүлүп, эч кимге административдик басым жасалган жок. Президенттик аппарат тарабынан мамлекеттик жана муниципалдык бийлик ээлерине шайлоого жана референдумга кийлигишпөө тууралуу катуу эскертилген. Референдумга «каршы» жана «макул» деп үгүттөөчү түрдүү топтор түзүлгөн. «Мыйзамдуулук үчүн» тынч жүрүшүнүн уюштуруучулары коомчулукка туура эмес маалымат бергенди токтотушу керек».

Маалыматтык саясат бөлүмүнүн башчысы ошондой эле «айрым бир күчтөр Кыргызстандагы кырдаалды чайпалтууга аракеттенип жатат» деп белгилеп, 10-январда эл өз каалоосун жасоосуна мүмкүнчүлүк берүү зарыл экенин айтты.

Бишкекте жекшемби күнү «Мыйзамдуулук үчүн» деген акция уланды. Жүрүшкө чыккандар «Мыйзамдуу өлкө!», «Референдумга жол жок!» деп ураан чакырып, президенттик шайлоонун таза, кысым-басымсыз өткөрүлүшүн талап кылышкан.

«Мыйзамдуулук үчүн» жөө жүрүш Кыргызстанда октябрь окуяларынан кийин келген бийлик Баш мыйзамды өзгөртүү боюнча демилге көтөргөндө башталган. Бул жолку акция тогузунчу ирет уюштурулду жана 10-январда мөөнөтүнөн мурда өтчү президенттик шайлоо менен башкаруунун формасын аныктоо тууралуу референдумга бир жума калган убакытка туура келди.

Ар жекшемби сайын ондогон жарандар бийликтен Баш мыйзам, референдум, президенттик шайлоо, сөз эркиндиги сыяктуу маселелерде мыйзамдардын сакталышын талап кылып келатышат. (ZKo)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG