Линктер

ЧУКУЛ КАБАР!
24-Сентябрь, 2021 жума, Бишкек убактысы 06:26

БШК: Саат 16:00га карата шайлоочулардын 26,5% добуш берди


Түркиядагы элчиликте ачылган шайлоо участогунда добуш берүү. Анкара, Түркия. 10-январь, 2021-жыл.

Бишкек убактысы боюнча саат 16:00гө карата кезексиз президенттик шайлоого шайлоочулардын 26,59% (947 614 адам) катышты. Ал эми башкаруу формасын аныктаган референдумга добуш бергендер 26,55% (946 104 адам) түздү.

Борбордук шайлоо комиссиясы (БШК) маалыматына караганда, добуш берүүнүн көрсөткүчү Ысык-Көл облусунда 31,61%, Ош шаарында 30,57% ашты. Нарын облусунда 30,21%, Баткен облусунда 27,84%, Жалал-Абадда 27,33%, Ош облусунда 26,79%, Талас облусунда 24,98%, Бишкекте 25,24% жана Чүй облусунда 22,39% тегерегинде шайлоочулар добуш берди.

Чет өлкөлөрдө 7384 шайлоочунун 14,92% добушу берди. 28 чет өлкөдө 48 шайлоо тилкеси ачылган. Азырынча бир добуш берүү участогу - АКШнын баш калаасы Вашингтондогу элчиликтен орун алган добушкана ишин баштай элек.

Бүгүн, 10-январда Кыргызстанда кезексиз президенттик шайлоо жана мамлекетти башкаруунун формасын тандоо боюнча референдум өтүп жатат. Кыргызстандын өзүндө 2438, чет мамлекеттерде 48 добуш берүү тилкеси ачылган.

Добушканалар эртең менен саат 8:00дө ачылган, кечки саат сегизде добуш берүү токтотулат.

БШКнын маалыматына ылайык, президенттик шайлоодо жана референдумда 3 563 574 шайлоочу добуш берүү укугуна ээ. (ZKo)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG