Линктер

ЧУКУЛ КАБАР!
5-Март, 2021 жума, Бишкек убактысы 18:56

Экс-премьер-министр Мухаммедкалый Абылгазиев кармалды


Мухаммедкалый Абылгазиев. 30-апрель, 2020-жыл.

Улуттук коопсуздук боюнча мамлекеттик комитет (УКМК) мурдагы премьер-министр Мухаммедкалый Абылгазиевди кармады.

Бул тууралуу кабарды «Азаттыктын» ишенимдүү булактары ырасташты. Маалыматка караганда, Абылгазиев 26-январда УКМКга суракка чакырылып, андан соң кармалган. Экс-премьерге карата Жазык кодексинин «Мыйзамсыз баюу» беренеси боюнча айып коюлууда.

Айрым маалыматтарга ылайык Абылгазиевге карата Кумтөр кенин иштетүү боюнча соңку келишимдерге байланыштуу иш козголушу мүмкүн. Атайын кызмат мурдагы өкмөт башчынын кармалышы тууралуу комментарий бере элек.

Буга чейин жергиликтүү маалымат каражаттары мурдагы өкмөт башчы УКМКда мыйзамсыз баюу фактысына байланыштуу сурак берип жатканын күч органдарындагы булактарга таянып жазып чыгышкан.

53 жаштагы Мухаммедкалый Абылгазиев 2018-2020-жылдары кыргыз өкмөтүн башкарган. Былтыр коронавирус пандемиясы күчөп турган маалда кызматтан кеткен.

Буга чейин Абылгазиев пандемияда гуманитардык жардамдын бөлүштүрүлүшү боюнча кылмыш ишинин алкагында Экономикалык кылмыштарга каршы күрөш боюнча мамлекеттик кызматка (Финансы полициясы) сурак берип чыккан.

Пикирлерди көрүңүз (23)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG