Линктер

ЧУКУЛ КАБАР!
17-Сентябрь, 2021 жума, Бишкек убактысы 04:20

Блинкен: Ак Үй Орусияга каршы ыктымал аракеттерди караштырып жатат


Энтони Блинкен.

АКШнын мамлекеттик катчысы Энтони Блинкен Жо Байдендин администрациясы Орусияга каршы ыктымал аракеттерди караштырып жатканын билдирди. 1-февралда көргөзүлгөн телеинтервьюда мамкатчы Орусияда жекшембиде болгон нааразылык акцияларынын катышуучуларына каршы колдонулган зомбулукка кабатырланганын айтты.

Орус Тышкы иштер министрлиги акциялардын артында Вашингтон турат деп эсептеп, аны өлкөнүн ички иштерине чоң кийлигишүү катары баалап келет.

«Орус өкмөтү биздин тиешебиз бар деп эсептесе, бул чоң жаңылыштык. Кеп алардын өзүндө, өкмөтүндө. Кеп орус элинин коррупцияга, автократияга нааразылыгы жөнүндө жүрүп жатат. Сырттан бирөөнү издебей, ички маселелерди карашсын», - деди мамкатчы «NBC News» каналына.

Блинкен Москвага каршы кандай санкциялар салынышы мүмкүн экенин айткан жок. Башкы дипломаттын айтымында, Навальныйдын ууландырылышына, Орусиянын АКШдагы шайлоого ыктымал кийлигишүүсүнө, киберчабуулдарга жооп караштырылып жатат

Ошол эле интервьюсунда Блинкен Кытайдын Гонкгонг саясатын сындады жана Ирандын атомдук программасына байланышкан маселеге кайрылды.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG