Линктер

ЧУКУЛ КАБАР!
3-Август, 2021 шейшемби, Бишкек убактысы 00:36

Аалымдар кеңешинин кезексиз жыйыны жабык өтүп жатат


Муфтият. 2021-жылдын 11-февралы.

Кыргызстан мусулмандарынын Аалымдар кеңеши бүгүн, 11-февралда кезексиз жыйын өткөрүп жатат. Жыйынга журналисттер киргизилген жок. Күн тартибинде кайсы маселелер бар экени да азырынча белгисиз.

Муфтияттын Борбордук текшерүү комиссиясынын мүчөсү Бакыт Нурдинов буга чейин журналисттерге жыйында ажылыктын акчасы боюнча маалымат берилерин айткан.

Муфтий Максатбек Токтомушев кызматтан өз эрки менен кетип жатканын башкармалыктын маалымат кызматы 10-февралда билдирген. Ошол эле күнү ал Улуттук коопсуздук боюнча мамлекеттик комитеттин (УКМК) убактылуу кармоочу жайына шектүү катары киргизилгени белгилүү болду.

Ага чейин УКМК муфтияттын башкы эсепчисин кармап, камакка алган. Атайын кызмат муфтиятта каржылык мыйзам бузуу болгонун айтууда.

Токтомушевдуин жакындары же анын адвокаты УКМКнын айыптоосу тууралуу эч кандай комментарий бере элек.

Максатбек ажы Токтомушев өткөн жумада "Азаттыкка" берген маегинде ажылыктын акчасы боюнча үн катып, айтылып жаткан айыптоолор "жалаа" экенин билдирген.

Аалымдар кеңеши Кыргызстанда мусулмандар курултайынан кийинки жогорку орган болуп саналат. 21 кишиден турган кеңештин мүчөлөрүн куралтай үч жылга шайлайт. (AiB/RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG