Бишкектин 1-Май райондук соту Бажы кызматынын төрагасынын мурдагы орун басары, ири коррупциялык схема түзгөн деп айыпталган Райымбек Матраимовго өкүм чыгарды. Сот ага 260 миң сом айып салып, мүлкүн жана банк эсептерин камактан бошотту. Кызматын өткөрүп берген муфтий Максат ажы Токтомушев камалды. Тарапташтары аны үй тамагына чыгарууну, тергөөнү калыс жүргүзүүнү талап кылып чыгышты.