Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 04:42

Орусия Кыргызстанда орусча окуткан 44 мектеп-интернат ачып, мугалим жөнөтмөй болду


Иллюстрациялык сүрөт.

Президент Садыр Жапаровдун Орусияга иш сапарынын алкагында орус тарап Кыргызстанга балдарды орусча окута турган 44 мектеп куруу убадасын берди. Бул тууралуу 26-февралда президенттин басма сөз катчысы Галина Байтерек иш сапардын жыйынтыктары тууралуу айтып жатып билдирди:

Анын белгилешинче, гуманитардык жана билим берүү долбоорлору, Кыргызстанда орус тилин сактоо жана өнүктүрүү зарылдыгы ар кандай деңгээлдеги сүйлөшүүлөрдө маанилүү орунду ээледи:

"Кыргызстандын бардык аймактарында окутуу орус тилинде жүргүзүлгөн 44 мектеп-интернатын ачуу боюнча келишим түзүлдү. Билим берүү мекемелеринин курулушу Орусиянын колдоосу менен ишке ашат. Мектеп-интернаттарга орусиялык педагогдор тартылат".

Кыргызстанда кыргыз тили мамлекеттик, орус тили расмий тил деген макамга ээ.

Конституциянын жаңы долбоору талкууланып жатканда кыргыз тилинде гана атайын макам болушу керек деген пикир коомчулукта кызуу талкуу жараткан. Жапаров ага жооп кайтарып «Орус тили - биз кылымдардан бери колдонуп келген, улуттардын байланышын бириктирген тил. Евразия өлкөлөрү менен байланышты жана карым-катнашты орус тилсиз жүргүзүү мүмкүн эмес» деп айткан. (RK)

Пикирлерди көрүңүз (37)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG