Линктер

ЧУКУЛ КАБАР!
28-Сентябрь, 2021 шейшемби, Бишкек убактысы 02:39

Күйүүчү майды сыртка ташууга убактылуу чектөө киргизилди


Иллюстрациялык сүрөт.

Өкмөт башчы Улукбек Мариповдун 2-марттагы чечими менен күйүүчү майды ЕАЭБ алкагынан тышкары сатууга тыюу салынды.

Өкмөттүк аппараттын басма сөз кызматы кабарлагандай, бул мунайдын ички базардагы таңсыктыгына жол бербөө максатында көрүлгөн чара.

Чечимге ылайык, күйүүчү майды өлкөдөн ЕАЭБге мүчө өлкөлөрдөн башка мамлекеттерге темир жол, унаа жолу менен ташып чыгууга убактылуу тыюу салынды.

Өлкөдөн тышка чыккан автоунааларга бензобактагы күйүүчү майдан тышкары дагы 20 литрге чейин күйүүчү май алуусуна уруксат берилет.

Чечимдин аткарылышына Мамлекеттик бажы кызматы, Экономикалык кылмыштарга каршы күрөшүү кызматы, Чек ара кызматы, Транспорт жана жол министрлиги көзөмөл кылат.
Чечим кол коюлган убактан тартып күчүнө кирди.

Кыргызстанда күйүүчү майдын баасы жыл жаңыргандан бери 14 пайызга, башкача айтканда 10 сомго кымбаттады. Мунай сатуучулар баанын көтөрүлүшү Орусиядан көз каранды болуп жатканын билдирүүдө.(ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG