Линктер

ЧУКУЛ КАБАР!
19-Сентябрь, 2021 жекшемби, Бишкек убактысы 03:19

Прокуратура: Ысык-Көл өнүктүрүү фонду казынага 150 млн. сом зыян келтирген


Ысык-Көл

Башкы прокуратура Ысык-Көлдү өнүктүрүү фондун текшерди.

Анын жыйынтыгында облусту социалдык-экономикалык жактан өнүктүрүүгө жана бизнес-долбоорлорду ишке ашырууга деп “Кумтөр Голд” компаниясынан бөлүнгөн каражаттар максатсыз колдонулганы аныкталган. Бул тууралуу мекеменин басма сөз кызматы маалымдады.

Башкы көзөмөл орган имараттардын курулуштарында, капиталдык оңдоолорго деп бөлүнгөн каражаттар мыйзамсыз пайдаланылганын белгилейт. Прокуратуранын эсептөөсүндө, жогорудагы мыйзамсыз иштерден 2015-2020-жылдары казынага 150 млн. сомдон ашык зыян келтирилген.

Учурда Башкы прокуратура 319-берене менен (“Коррупция”) кылмыш ишин козгоп, тергөөнү Улуттук коопсуздук боюнча мамлекеттик комитетке өткөрүп берди.

"Кумтөр" алтын кен долбоорун иштеткен "Центерра" компаниясы 2009-жылдагы макулдашууга ылайык жылдык тапкан кирешесинин 2 пайызын Ысык-Көлдү өнүктүрүү фондуна которот. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG