Линктер

ЧУКУЛ КАБАР!
22-Сентябрь, 2021 шаршемби, Бишкек убактысы 22:48

Тажикстанда күйүүчү май кымбаттап, таңкыстык сезилүүдө


Ушул тапта өлкөдө бензиндин 1 литринин баасы 9 сомони же 67 сомго чейин жетти. Баш калаа Дүйшөмбүдө май куюучу жайлардын дээрлик көпчүлүгүндө бензиндин баасы жазылбай, жабык турат.

Өлкөнүн Монополияга каршы күрөш органы күйүүчү майдын кымбатташын Казакстандан импорттун токтогону менен түшүндүрүүдө. Аталган органдын өкүлү Раджабали Махсиддинзода "Бизге мунайдын жалпы көлөмүнүн 90 пайызы Казакстандан келет. Бирок азыр келбей калды. Эми өлкөгө негизинен Орусиядан кымбат бензин келип жатат. Баалардын кымбатташынын бирден бир себеби ушул,"- деп билдирди.

Өлкөдө күйүүчү майдын кымбаттаганы менен катар таңкыстыгы да сезилүүдө. Айрым айдоочулар “Азаттыктын” тажик кызматына кээ бир май куючу жайлар бир унаага 20 литрден ашык бензин сатпай жатканын айтып беришкен.

Тажикстанда жыл башынан бери күйүүчү майлар кымбаттап, учурда бензиндин баасы үч эсеге көтөрүлгөн. Өлкөнүн ички рыногуна керектелчү күйүүчү май негизинен Орусиядан жана Казакстандан ташылып келет.

2020-жылы Тажикстанга чет өлкөлөрдөн 234 миң тонна бензин жана 300 миң тоннага жакын дизел импорттолгон.

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG