Линктер

ЧУКУЛ КАБАР!
19-Апрель, 2021 дүйшөмбү, Бишкек убактысы 11:17

Сайдулла Нышанов "Ата Мекен" фракциясынын лидери болуп шайланды


Сайдулла Нышанов.

Жогорку Кеңештеги "Ата Мекен" фракциясынын лидери болуп депутат Сайдулла Нышанов шайланды. Ал эми фракция лидеринин орун басары кызматы депутат Шайлообек Атазовго берилди. Бул тууралуу Жогорку Кеңештин расмий сайтында бүгүн, 30-мартта жарыяланды.

“Шайлоого жети депутат катышты. Бардыгы бир добуштан менин талапкерлигимди колдошту. Мен “Ата Мекен” партиясынан чыкканым менен фракциянын курамында калгам”, - деди Нышанов.

4-февралда Жогорку Кеңештин жыйынында Сайдулла Нышанов “Ата Мекен” партиясына мүчөлүк кылууну токтотконун жар салган.

Нышанов 2005-жылы III чакырылыштагы Жогорку Кеңештин депутаты болуп шайланган. "Ата Мекен" социалисттик партиясынын тизмеси менен алгач 2012–жылы бешинчи чакырылышка, 2015-жылы азыркы алтынчы чакырылышка депутат болуп келген.

“Ата Мекен” фракциясын Нышановго чейин жетектеп келген Өмүрбек Текебаевдин мандатын 29-мартта Борбордук шайлоо комиссиясы Жогорку соттун чечими менен ажыраткан.

120 мандаттуу кыргыз парламентинде алты фракция бар. Парламентте "Ата Мекенден" 11 депутат бар. (MiK)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG