Линктер

ЧУКУЛ КАБАР!
23-Май, 2024-жыл, бейшемби, Бишкек убактысы 21:39

“Мекеним Кыргызстандын” лидери Бакиров кызматка барды


Парламенттин депутаттары Райымбек Матраимовду колдогон митинг учурунда. 28-февраль, 2021-жыл. Ош. Сүрөттө Мирлан Бакиров ортодо турат.
Парламенттин депутаттары Райымбек Матраимовду колдогон митинг учурунда. 28-февраль, 2021-жыл. Ош. Сүрөттө Мирлан Бакиров ортодо турат.

Жогорку Кеңештин депутаты Мирлан Бакиров Мамлекеттик мүлктү башкаруу фондунун төрагасы болуп дайындалды. Бул тууралуу мекеменин басма сөз кызматы тастыктаганын мамлекеттик "Кабар" агенттиги жазды.

Мирлан Бакиров 2020-жылдын 4-октябрында өткөн парламенттик шайлоодо көп добуш алганы жарыяланган «Мекеним Кыргызстан» партиясынын тизмесин жетектеген. Шайлоо жыйынтыгына нааразы болгон коомчулуктун 5-6-октябрдагы толкундоосунан кийин бийлик чукул алмашкан жана парламенттик шайлоонун баштапкы жыйынтыгы жокко чыгарылган.

Андан кийин Жогорку Кеңештин 23-декабрдагы жыйынында төраганын орун басары Мирлан Бакиров өз каалоосу менен кызматын тапшырган.

«Өнүгүү-Прогресс» парламенттик фракциясынын сунушуна ылайык коалициялык азчылыктын өкүлү катары депутат Мирлан Бакиров 2017-жылдын 13-декабрында Жогорку Кеңештин төрагасынын орун басары болуп шайланган. (TSh)

XS
SM
MD
LG