Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 14:58

Казакстандык шоопурлар Кытайдан жүк өткөрүү тартибине нааразы


Иллюстрациялык сүрөт.

Кытайдан Казакстанга товар ташыган жүк ташуучу фуралардын жүздөгөн айдоочулары 30-мартта Хоргостогу “Нур-Жолы” чек ара-бажы өткөрмө бекетинин алдына чогулушту. Айдоочулар анда аталган бажыканадан өткөрүүнүн тартиби жана бажы көзөмөлүн жүргүзүүдө жүк ташуучу компанияларга тандалма мамиле бар экенин айтышты.

Анткени алардын айтымында, Eurotransit компаниясынын жүк ташуучу унаалары Казакстан менен Кытайдын чек арасынан кезексиз өткөрүлөт, башка фирмалардын машинелери тескерисинче, бажы көзөмөлүнөн өтүп жатканда чоң тоскоолдуктарга учурайт.

Айдоочулар бул компанияга таандык автожүк ташуучу унаалардан башка машинелер бажы көзөмөлүнөн өтүү үчүн чек аранын эки тарабында бир нече күндөп кезекке турууга аргасыз болуп жатканын белгилешти.

Жеке ишкер Бахытжан Мухаммеджанов казак бажысы муну Кытай тараптын талабы менен байланыштырганы жалган дейт:

“Ал жактан Eurotransit компаниясын гана тандап алды. Мына ошол компания гана иштейт” деген сөздөрдүн бардыгы жалган. Себеби биз бул маселе боюнча мурун биз иштешкен Кытайдын компаниялары менен күнүгө сүйлөшөбүз. Кытай тараптан Казакстандын Eurotransit компаниясы гана кирсин деген чектөө болгон эмес экен. Андай мыйзам дагы жок. Ошондо бул Eurotransit деген компания кимдики? Биз токолдун баласы, ал эми Eurotransit компаниясы байбиченин баласыбы? Мында эмне болуп жатат?”

Нааразылык акциясына чыккан айдоочулар менен Кытайдан товар ташыган жүк ташыган ишкерлер Eurotransit компаниясы Казакстандагы эң таасирдүү үй-бүлөгө таандык экенин айтышуудагы.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG