28-29-30-апрелдеги кыргыз-тажик чек арасындагы чыр-чатакта каза болгондордун жалпы саны 31ге жетти, жараат алгандар 154 болду. Жалпы жонунан 20 миңден ашуун киши үй-жайын таштап качып чыкты. Баткен облусунун Баткен районунун жана Лейлек районунун ондогон айылы жабыр тартты, үйлөр жана башка объектилер өрттөндү.

Тажик бийлиги жабыр тарткандар тууралуу расмий маалымат бере элек. Маалымат каражаттары ишенимдүү булактарына таянып, жаңжалда 12 жаран мерт болушу мүмкүн экенин жазды. Маалыматка караганда 90 адам жараат алды.