Линктер

ЧУКУЛ КАБАР!
21-Июнь, 2021 дүйшөмбү, Бишкек убактысы 04:57

"Энергохолдинг" ишканасы "Токтогулдагы" суу тууралуу: Өтө аз, өтө кооптуу


"Токтогул" суу сактагычы. Архивдик сүрөт.

“Токтогул” суу сактагычында суунун көлөмү азыр былтыркыга салыштырганда 2,6 миллиард куб метрге аз. Бул тууралуу 11-майда Жогорку Кеңештин Отун-энергетикалык комплекс жана жер казынасын пайдалануу боюнча комитетинин жыйынында “Улуттук энергохолдинг” ишканасынын жетекчиси Бакыт Сыдыков билдирди.

Анын айтымында, 11-майга карата суу сактагычта 9,3 миллиард куб метр суу бар.

Сыдыков адатта май айында эң көп суу топтолгон маал болорун, 1-ноябрга карата 11,9 миллиард куб метр топтолот деген суу-энергетикалык эсеп бар экенин кошумчалап, жалпысынан абалды кооптуу деп атады:

“Бул өтө аз, өтө кооптуу”.

Эки апта мурда “Токтогул” суу сактагычында суунун көлөмү 8,6 миллиард куб болчу.

Өлкөнү электр менен камсыздаган эң башкы – «Токтогул» гидроэлектр станциясын (ГЭС) камсыздоочу суу сактагычтагы суунун көлөмү 6 миллиард куб метрге түшсө ГЭС авариялык абалга кабыла турганын энергетиктер эскертип келишет. (RK)

Facebook шеринеси

XS
SM
MD
LG