Отуз жыл оюлган Кумтөр

Экология жана климат боюнча мамлекеттик комитет 1995-жылдан бери алтын казган “Кумтөр Голд Компани” ишканасы Давыдов жана Лысый мөңгүсүнөн 178 млн куб метр музду жок кылганын билдирди. 28-майда өкмөт журналисттерди Кумтөргө алып барып, кенди иштеткен канадалык "Центерра Голд" компаниясына коюлган экологиялык доонун жүйөсүн түшүндүрүп берди. "Азаттыктын" журналисттери дагы кенди жеринен барып көрүп келди.