Москвада коронавирустан улам белгилүү кинорежиссер Владимир Меньшов каза болду. Ал 81 жашта болчу. Июндун аягында кинорежиссер СOVID-19 вирусун жугузуп, дарылынып жатканы кабарланган.
Владимир Меньшов "Сүйүү жана көгүчкөндөр" ("Любовь и голуби"), "Ширли-мырли" жана "Москва көз жашка ишенбейт" ("Москва слезам не верит") сыяктуу фильмдерди тарткан.
"Москва көз жашка ишенбейт" фильми 1981-жылы "Чет тилдеги эң мыкты тасма" номинациясында "Оскар" сыйлыгына татыган. Меньшов актер катары 120дан ашык тасмага тартылган.
Режиссер 2003-жылы бийликтеги "Бирдиктүү Орусия" партиясына мүчө катары кирип, президенттик шайлоодо Владимир Путиндин ыйгарым укуктуу өкүлү болгон.
Дагы караңыз
Facebook шеринеси