Жума намаз учурундагы жардыруудан набыт болгон 41 кишини жерге берүү зыйнаты 16-октябрда өттү. Жардыруунун жоопкерчилигин "Ислам мамлекети- Хорасан" террордук тобу моюнуна алган.
Террорчулардын Телеграмм каналында: "Биринчи жан кечти жардыргыч зат байланган күрмөсүн мечиттин коридорунда жардырган. Экинчиси болсо, намаз окуп жаткандардын ортосунда туруп жардырган",- деп жазылган.
15-октябрда Ооганстандын Кандагар шаарындагы шииттердин мечитинде жума намазы маалында чоң жардыруу болду. Дарыгерлер жардыруулардан 41 адам мерт кетип, 70тей адам жаракат алганын билдирүүдө.
8-октябрда Кундуз шаарындагы шииттердин мечитин бутага алган бомба чабуулу үчүн "Ислам мамлекети" террордук тобу жоопкерчиликти мойнуна алган эле.
Facebook шеринеси