Линктер

ЧУКУЛ КАБАР!
23-Июнь, 2024-жыл, жекшемби, Бишкек убактысы 02:32

YouTube Орусия каржылаган каналдарды дүйнөлүк алкакта жапты


YouTube порталынын жана Орусиянын RT каналынын логотиптери.
YouTube порталынын жана Орусиянын RT каналынын логотиптери.

Google компаниясына караштуу YouTube порталы Орусиянын мамлекеттик маалымат каражаттарын жана аларга байланышы бар медиа каналдарды дүйнөлүк алкакта жапты. Бул тууралуу видео порталдын басма сөз кызматы 11-мартта билдирди.

"Биздин жамааттык эрежелерибиз мыкты документтештирилген зордук-зомбулук окуяларын четке каккан, аны төмөн баалаган же маанисин азайткан мазмунга тыюу салат жана биз Орусиянын Украинага басып кириши жөнүндө бул эрежени бузган контентти алып салабыз", - деп билдирди YouTube.

Бирок видео портал дүйнөлүк алкакта мындай негиз менен канча канал жабылганын, аларды кайра калыбына келтирүүгө мүмкүнчүлүк берилерин же берилбей турганын тактаган жок.

Буга чейин YouTube Орусиянын RT (Russia Today) сыяктуу мамлекеттик маалымат каражаттарынын каналдарын Европанын аймагында жапкан болчу. Москва да Орусиянын мамлекеттик медиа каражаттарынын баракчаларына бөгөт койгон башка социалдык түйүндөргө чектөө киргизген.

Facebook шеринеси

XS
SM
MD
LG