Линктер

ЧУКУЛ КАБАР!
21-Май, 2024-жыл, шейшемби, Бишкек убактысы 18:54

ЖК: комитет ишкерлерди текшергендерди көбөйтүүнү колдоду


Иллюстрациялык сүрөт.
Иллюстрациялык сүрөт.

Жогорку Кеңештин Отун-энергетикалык комплекс, жер казынасын пайдалануу жана өнөр жай саясат комитети 29-мартта ишкерлерди текшерген мекеме-органдардын жаңы тизмеси тууралуу өкмөттүн долбоорун колдоду. Ага жалпысынан 15 мекеме кирген.

Талкууда экономика жана коммерция министринин орун басары Айнура Үсөнбекова текшерүүчүлөр көбөйүп жатат деген дооматты четке какты жана мындай мекемелердин көбөйгөнүн текшерүү иштеринин тармактык министрлик, мекемелерге бөлүштүрүлүп берилгени менен негиздеди.

Ишкерлерди текшерет деген мекемелердин жаңы тизмеси азырынча жарыялана элек.

Былтыр августта аталган министрлик ишкерлерди текшерүүгө укуктуу мамлекеттик органдардын жаңы тизмесин сунуштаган жана анда сегиз мекеме кирген.

Анын алдында Министрлер кабинети милиция кызматкерлерине ишкер чарбаларды текшерүү укугун берүүнү караштырып жатканы белгилүү болгон жана бул коомчулукта чоң талкуу жараткан.

Facebook шеринеси

XS
SM
MD
LG