11-майда Жогорку сот кримтөбөл, Кыргызстандагы абактан мөөнөтүнөн мурун чыгып кеткен Азиз Батукаевдин бир тууганы Яха Батукаеванын апелляциялык арызын четке какты. Батукаева кылмыш ишин жаңы ачылган жагдайлар боюнча кайра кароону өтүнүп, Жогорку сотко арыз жазган. Ушундай эле өтүнүч менен ал жазасын өтөп жаткан аялдар абагынын жетекчилиги да кайрылган. Бул тууралуу "Азаттыкка" Жогорку соттон кабарлашты.
54 жаштагы Яха Батукаева 2016-жылы Челябинскиде эки өнөктөшү менен чогуу 30 килограмм баңгизатын сатууга айыпталып, 17 жылга соттолгон. Кийинчерээк Кыргызстанга экстрадицияланып, Степное айылындагы аялдар абагына камалган.
"Батукаев иши" боюнча Кыргызстандын мурдагы президенти Алмазбек Атамбаев 11 жылга эркинен ажыратылган. Учурда Чүйдүн Молдовановка айылындагы №27 колонияда жазасын өтөп жатат. (ZKo)
Facebook шеринеси