Орусиядагы кыргызстандыктар сабалган мончону иштеткен үч адамга кылмыш иши козголду. Алар мыйзамсыз миграция уюштурду деп айыпталууда. Рейд маалында мончодо жүргөн мигранттар эч себепсиз орус полициясынын ур-токмогуна кабылганын айтып жатышат. Кыргызстанда нааразылык жараткан бул окуя үчүн ким жооптуу? Орусияда мигранттарга басым-кысым күчөдүбү? 30-апрелден тартып Орусиянын аймагында жүрүүгө жана жашоого мыйзамдуу негизи жок чет элдиктер өлкөнүн аймагынан чыгарыла баштайт. Көзөмөлгө алынган адамдардын реестрине жаңылыш кирип калгандардын тагдыры кандай болот?