Линктер

ЧУКУЛ КАБАР!
28-Сентябрь, 2021 шейшемби, Бишкек убактысы 02:33

Жөөт элинин көөнөргүс азилдеринен


“Күлкү кербендин” кезектеги чыгарылышы жөөт элинин куйкум сөз менен кылымдардын акылмандыгы ширелген юморунун айрым үлгүлөрүнөн турат.


* * * * * * *

— Беня, бөркүңдөй көрө берчү окуя болот: биз беш жылдан кийин Европадагыдан да мыкты жашап калабыз!
— Ал жакта 5 жылда кыйсыпыр түшүп калышат бекен?

* * * * * * *

— Изя, эки миллиондой ливандык жемкорлукка каршы көчөгө чыгышыптыр дешет. Ушундай окуя биздин Орусиябызда болушу мүмкүнбү?
— Сёма, өзүң акылдуу элесиң, бир ойлоп көрсөң: жалпы Орусиябызда 2 миллион ливандыкты каяктан тапмак элек?

* * * * * * *

— Параны жемкорлуктан кантип айырмалай алабыз?
— Өтө жөнөкөй: пара — бул киши акча алып, өз сөзүн аткаргандыгысы, а жемкорлук — бул учурда киши акчаны да алат, бирок аткарбай да коёт...

* * * * * * *


— Моня, маалкатпастан келе калчы эми, шорпо бышканы качан!
— Аны эмнеден жасадың?
— Чыдамымдын акыркы бүртүгүнөн!

* * * * * * *

Сара Абрамовна терезеден сыртка карап, короодогу уулуна кыйкырат дейт:
— Боря! Сен Изяны анча берилип токмоктой бербечи! Тердеп кетсең, тумоолоп калышың мүмкүн!

* * * * * * *

Тажрыйбасы укмуш Соломон Маркович жаш коңшусуна турмуштук сабак берди:
— Лёва, мени ук да, мээңе түйүп алгын: аял — бул ар дайым сюрприз, бирок баары бир эч качан белек болбойт!

* * * * * * *

— Изя, айланайын, апаңа кулак салып койчу! Эгерде сага Роза жагып турса, анда убакытты текке кетирбегин: аялзаты эч качан жашарбайт, бирок убакыт өткөн сайын акылдуу боло баштайт. Анан сенин ага үйлөнүү үчүн келген удулуң азайгандан азая берет!

* * * * * * *


— Фима, болдучу эми, байболгур!
— Софочка, мен сага бир да сөз айтпадым го?..
— Бирок сен дабышты өтө чоң чыгарып ойлонуп жатасың!

* * * * * * *

— Египетте уча албай кармалып жаткан 45 миң орусиялык туристти чыгарып кетүү үчүн эмне кылыш керек?
— Бирабижан шаарынан география сабагы мугалими Моисей Абрамович Рабиновичти ошоякка жөнөтүү керек.

* * * * * * *


— Бул “одессалык анекдот” дегениң эмне, өзү?
— Бул – келгин кишилер эч түшүнө албаган, ал эми жергиликтүүлөр эчак эле чоң ата-чоң апасынан уккан азил…

* * * * * * *
(TT)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG