Линктер

ишемби, 21-октябрь, 2017 Бишкек убактысы 11:05

Кыргызстандын аймактарында спорттун кайсы түрүнө көбүрөөк кызыгышат? Бул суроого "Азаттыктын" апта түрмөгүндө жооп издедик.

Акыркы убакта Нарын облусунун бардык аймагында көкбөрү оюну кеңири кулач жайган. Дээрлик бардык айылда улак тартышат. Оюн кызыгына баткандар намыска жарасын деп жылкынын санын көбөйтүү камында. Теманы кабарчыбыз Мирлан Кадыров улантат.

Баткенде болсо ар бир аш-той, майрамдар күрөшсүз өтпөйт. Таймаштын бул түрүнө билеги күчтүү, шамдагай балбандар гана чыгат. Баткендик балбандар жана алардын ой-мүдөөсүн кабарчыбыз Жеңиш Айдаров тыңдаган.

Манастан калган ордо оюну Талас өрөөнүндө кеңири жайылган. Акыл-ойду өстүрүүгө, ыкчамдыкка, тактыкка үйрөтүүгө багытталган ордо оюнунун өзгөчөлүгү тууралуу Альбина Сулайманова айтып бермекчи.

Ысык-Көл облусунда волейбол оюну кеңири жайылган. Айрыкча элет жеринде топ чапмай салтка айланган. Анткен менен волейбол ышкыбоздору менен машыктыруучулар спорттун бул түрү боюнча атаандаштыкты күчөтө турган мелдештер көп өтпөй, ага кызыгуу азайды деп кабатыр. Көлдүктөрдүн волейболго мамилесин аймактагы кабарчыбыз Асеин Маданбеков байкап көрдү.

Ош шаарындагы бильярд залдарына качан кирбе эл толуп, бир да стол бош эмес экенин көрөсүң. Маал-маалы менен уюштурулган турнирлер бильярд күйөрмандарынын бүйүрүн кызаткан темалардын бири. Жеке ишкерлердин күчү менен өз алдынча өнүгүп жаткан бильярд оюну тууралуу Оштон кабарчыбыз Ыдырыс Исаков баяндайт.

Кыргызстандын спорту, массалык спорт жана анын аймактарга мүнөздүү улуттук түрлөрүн өнүктүрүү мамилесине байланышкан “Азаттык” радиосунун суроолоруна Спорттун олимпиадалык түрлөрү боюнча дирекциясынын жетекчиси Алмазбек Касенов жооп берди. Аны кабарчыбыз Бактыгүл Чыныбаева кепке тартты.

"Азаттыктын" материалдарына пикир калтырууда төмөнкү эрежелерди так сактоону өтүнөбүз: адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлерди жазууга болбойт. Эрежени сактабай жазылган пикирлер жарыяланбайт.

  • 16x9 Image

    Мирлан Кадыров

    "Азаттыктын" Нарын облусундагы кабарчысы. 2009-жылы Нарын мамлекеттик университетин англис тили жана адабияты адистиги боюнча аяктаган.

  • 16x9 Image

    Жеңиш Айдаров

    "Азаттыктын" Баткен облусундагы кабарчысы. Ош мамлекеттик университетин аяктаган.

  • 16x9 Image

    Альбина Сулайманова

    "Азаттыктын" Талас облусундагы кабарчысы. Кыргыз-Орус (Славян) университетинин журналистика факультетин аяктаган.

  • 16x9 Image

    Асеин Маданбеков

    "Азаттыктын" Ысык-Көл облусу боюнча кабарчысы. 2015-жылы Кыргыз-түрк "Манас" университетинин журналистика факультетин аяктаган.

  • 16x9 Image

    Ыдырыс Исаков

    «Азаттыктын» Оштогу кабарчысы. 2008-жылы Ош Мамлекеттик университетинин журналистика бөлүмүн аяктаган. 

  • 16x9 Image

    Бактыгүл Чыныбаева

    “Азаттык” үналгысынын Бишкектеги кабарчысы, журналист, котормочу, илимий кызматкер. Кыргыз-Түрк "Манас" университетинин жана Лондондогу эл аралык Кэмбриж академиясынын бүтүрүүчүсү.

Сиздин пикир

пикирлерди көрсөт

XS
SM
MD
LG