Жогорку Кеңештин депутаты Медербек Алиев Кыргызстанда сот бийлигин реформа кылыш керектигин билдирди.
Бул тууралуу ал 13-октябрда парламенттин Конституциялык мыйзамдар, мамлекеттик түзүлүш, жергиликтүү өз алдынча башкаруу комитетинин жыйынында акыйкатчынын баяндамасы угулган жыйында айтты.
“Биз соттордун көбү адискөй эмес, сабатсыз жана коррупцияга батканын моюнга алышыбыз керек. Муну маалымат каражаттарына чыккан тергөө иштери, камакка алуулар көрсөтүп турат”, - деди ал.
Жогорку сот депутаттын билдирүүсү боюнча комментарий бере элек.
Акыйкатчы институтуна өткөн жылы 9672 кайрылуу түшкөн. Алардын 36% сот органдарынын ишмердүүлүгүнө байланыштуу болгон.
Президент Садыр Жапаров журналист Али Токтакуновго берген маегинде 2020-жылга чейинки соттор менен азыркы соттордун айырмасы чоң экенин жана элдин 70-80% судьяларга ишенерин айткан. (BTo)