"Азаттыктын" Оштогу кабарчысы. Ош мамлекеттик университетинин журналистика факультетин аяктаган.
Ирактын түрмөлөрүндө калган кыргызстандык кыз-келиндердин ата-энелери аларды мекенине кайтарып келүүнү өтүнүп, бийликке кайрылды. Алар 14-сентябрда "Ынтымак ордонун" алдына чогулуп, президенттин кабыл алуусун суранышты. Ирактын түрмөлөрүндө жаткандар 2013-2017-жылдары радикал топторго азгырылгандар.
Медицина тармагында иштеген кызматкерлер нефролог Насира Бейшебаевага мунапыс берүүнү же жазасын жеңилдетүүнү өлкө бийлигинен өтүнүп кайрылышты. 10-сентябрда Бишкек шаардык соту Эне жана баланы коргоо улуттук борборунун дарыгери Насира Бейшебаеваны үч жылга абакка кести.
УКМКнын мурдагы төрагасы Камчыбек Ташиевдин адвокаттары “75чилердин каты” боюнча өкүм чыгарган судьяларга каршы Башкы прокуратурага кайрылды. АКШ президенти Трамп Украинага жаңы талап койду, Орусиянын дрону Польша менен чек арага жетти. Улуттук банк инфляциянын деңгээли 11% ашканын билдирди.
Медицина тармагында иштеген кызматкерлер нефролог Насира Бейшебаевага мунапыс берүү же жазасын жеңилдетүү өтүнүчү менен өлкө бийлигине кайрылды. 10-сентябрда Бишкек шаардык соту Эне жана баланы коргоо борборунун нефролог дарыгери Насира Бейшебаеваны үч жылга эркинен ажыратты.
"75чилер каты" боюнча Бишкек шаардык соту апелляциялык арыздарды карап, сегиз айыпталуучуга төрт жылдык жаза чегерди. "Бийликти күч менен басып алуу" беренеси "Шайлоо укуктарын жүзөгө ашырууга тоскоолдук кылуу" беренесине алмаштырылып, жаза эки жылдык пробациялык көзөмөл менен чектелди.
Жаңы гана ачылып, баасы талаш жараткан “Бишкек арена” стадиону 386 миллион долларга курулганы белгилүү болду. Борбор Азиядагы эң чоң спорт комплексте Дүйнөлүк көчмөндөр оюндарынын ачылышы 31-августта өттү. Комплекс 20 гектар жерди ээлеп, курулуштун жалпы аянты 195 миң чарчы метр.
Прокурорлор Камчыбек Ташиев, Нурланбек Тургунбек уулу жана Курманкул Зулушев баш болгон сегиз адамга тогуз жылдан абак жазасын сурашты. Трамптын администрациясынын чабармандары Стив Уиткофф менен Жаред Кушнер Москвада Путин, Киевде Зеленский менен жолугушту.
7-сентябрда Бишкек шаардык сотунда “75чилер каты” боюнча соттук отурум уланууда. Отурумда жарыш сөз башталып, мамлекеттик айыптоочулар соттон айыптоочулардын баарын тогуз жылдан абакка кесүүнү сураганын айыпталуучулардын бири Курсан Асановдун жактоочусу Чынара Жакупбекова "Азаттыкка" билдирди.
Мурдагы Өзгөчө кырдаалдар министри Бообек Ажикеевдин ишмердүүлүгүнө байланыштуу Башкы прокуратура текшерүү баштаганы белгилүү болду. Буга чейин "Кыргызгидрометтин" кызматкерлери Ажикеевдин тушунда “Байтик” станциясындагы курулуш "мыйзамсыз салынган" деп доомат коюп жатат.
Орусияга учуу кооптуу болуп калдыбы? Бишкектен Москва жана Новосибирск шаарына каттаган учактар да кармалып жатканы белгилүу болду. Шаардык сот “75чилердин ишин” карап жатат.
Бишкектин “Мадина” базарында 30-августта эртең менен өрт чыгып, түштөн кийин гана толук чектөөгө алынды. Тилсиз жоо 1000 чарчы метр жерге жайылган. Өрттү өчүрүүдө эки кызматкер жаракат алган. Соодагерлер базарды кимдир бирөөлөр тарабынан атайылап өрттөлүшү мүмкүн деген шектенүүлөрүн айтып жатышат.
20-августта Бишкектин Ленин райондук сотунда саясатчы Мавлян Аскарбековго козголгон кылмыш иши боюнча алгачкы соттук угуу жабык өттү. Аскарбековго Фейсбуктагы баракчасына жазган билдирүүсүнө байланыштуу кылмыш иши козголгонун адвокаты билдирди. Аны үй камагына чыгаруу өтүнүчү четке кагылды.
Президенттин администрациясынын маалыматтык саясат бөлүмүнүн башчысы Дайырбек Орунбековдун ондогон адамдардын жеке маалыматтарын жарыялаганы боюнча Ички иштер министрлиги (ИИМ) териштирүү баштаганын укук коргоочу Гүлшайыр Абдирасулова билдирди. ИИМ бул туурасында маалымат бере элек.
Бишкек шаардык сотунда "75чилердин катына" байланыштуу чыккан өкүмгө каршы прокуратура, айыпталуучулардын арыздарын кароо 17-августта уланды. “75лердин” катына кол койгон калган 70 кишинин айрымдары сотко келди. Жараянда адвокаттар тергөөчү, прокурор, судьяга чара көрүүнү да өтүндү.
13-августта президент Садыр Жапаровдун журналист Али Токтакуновго курган маегинде айткандары кызуу талкууга айланды. Ал Кумтөр, коррупцияга каршы күрөш, Камчыбек Ташиевдин саясий жолу, Кытай менен кызматташтык тууралуу жана башка коомчулукту кызыктырган бир топ суроого жооп берди.
Бишкек шаардык сотунда "75чилердин катына" байланыштуу чыккан өкүмгө каршы прокуратуранын жана айыпталуучулардын жазган арыздарын кароо 13-августта уланды. Ташиевдин адвокаты прокуратура сегиз адамды абакка кесүүнү суранып, аппелляция бергенин билдирди.
Учурда Канадада жашаган Бөлтүрүк социалдык тармактар аркылуу билдирүү жасап, Кумтөрдү өлкөгө алуудагы эмгеги бааланбай калганына нааразылыгын айтты. 2022-жылы ал Кумтөрдөгү коррупция боюнча кармалып, бир жылдан 10 млн сом төлөп берип, эркиндикке чыккан. Бийлик Бөлтүрүктүн айтканына жооп бере элек.
"75чилердин каты" иши боюнча Бишкектин Биринчи май райондук соту чыгарган өкүмгө прокуратура да макул эместигин билдирип, апелляциялык арыз берди. Шаардык сот ишти 10-августта караганы жатат. Жактоочулар «Азаттыкка» билдиришкендей, буга чейин соттолгон сегиз кишинин баары шаардык сотко арыз жазган.
"75чилердин каты" иши боюнча прокуратура, айыпталуучулар Биринчи май райсоту чыгарган өкүмгө каршы Бишкек сотуна апелляциялык арыз берди. Шаардык сот ишти 10-августта карай баштайт. Соттолгон сегиз саясатчы тең шаардык сотко даттанды.
Дагы жүктөңүз
