"Азаттыктын" Бишкектеги кеңсесинин журналисти. 2009-жылы Internews уюмунун "Жылдын мыкты радио журналисти" наамын алган.
Кыргызстанда милициянын ишин жакшыртуу үчүн “Ички иштер органдары тууралуу” жаңы мыйзам долбоор иштелип чыкты жана ал жакында коомчулуктун талкуусуна коюлат. Бул мыйзам долбоор, кыргыз милициясын реформалоо маселелери боюнча Европадагы Коопсуздук жана Кызматташтык уюмунун Бишкектеги борборунун башчысынын орун басары Лилиан Дарий “Азаттыктын” суроолоруна жооп берди.
АКШнын мамлекеттик катчысы Хилари Клинтон дүйнөдөгү Интернеттин абалы, андагы коопсуздук маселелери тууралуу жаңы эле сөз сүйлөдү. Буга байланыштуу кыргызстандык жаш активист, блогчу Мирсулжан Намазалиев “Азаттыкка” өз ойлору менен бөлүштү.
Хьюман Райтс Уотч уюму 2009-жылдагы адам укугунун дүйнөдөгү абалы тууралуу кезектеги баяндамасын жарыялады. Анда өткөн жылы Кыргызстанда адам укугу айрыкча президенттик шайлоо маалында көп бузулганы айтылат.
Украинадагы президенттик шайлоонун биринчи турунун жыйынтыгы, Кыргызстандагы белгилүү саясат таануучу, профессор Аалыбек Акуновдун баамында, бул өлкөнүн Батышка ыктаган маанайдан Орусияга оогон саясатка бурула баштаганын билдирет.
Өлкөдөгү соңку саясий кырдаал тууралуу “Ата Мекен” партиясынын төрага орун басары Ташболот Балтабаев “Азаттык” менен ой бөлүштү.
Алайдагы жол тосуу жана Бишкекте Исмаил Исаковдун бошотулушун талап кылган ачкачылык акциясы тууралуу “Азаттыкка” “Ак шумкар” партиясынын төрагасы Темир Сариев маек курду.
Саясат талдоочу Жыргалбек Турдукожоев азыр кыргыз коомчулугунда үч катмардан турган топтор түзүлүп, элди маңкуртташтыруу жараяны жүрүп жатат деп эсептейт.
Профессор, Жогорку Кеңештин төрагасынын кеңешчиси Айдарбек Көчкүнов өлкөдөгү акыркы окуяларды “бийликтин куугунтугу” деп айыптоого негиз жок, азыр өткөөл учурда жашап жаткан мамлекеттердин катарындагы Кыргызстан үчүн көп проблемалар мүнөздүү көрүнүш деп эсептейт.
АКШнын эл аралык өнүгүү боюнча агенттиги (ЮСАИД) Борбор Азия өлкөлөрүнө куш тумоосун алдын алууга көмөктөшүп жатат. Адисттердин айтымында, аталган аймакта мындай тумоонун жайылып кетүү коркунучу жогору.
Бишкек гарнизондук соту 11-январда мурдагы коргоо министри Исмаил Исаковду генерал-лейтенанттык чининен ажыратуу менен 8 жылга кесүү жана аны сот залынан камакка алуу тууралуу чечим чыгарды. Буга байланыштуу “Азаттыкка” “Ар-намыс” партиясынын төрага орун басары Эмил Алиев маек курду.
Оппозициялык саясатчы Исмаил Исаковдун камалышы боюнча кечээ кечинде Бириккен элдик кыймыл чукул жыйынга чогулган эле. БЭКтин соңку чечими боюнча Жогорку Кеңештеги СДП фракциясынын төрайымы Роза Отунбаеваны сөзгө тарттык.
Өлкөдөгү энергетикалык кырдаал, баалардын көтөрүлүшүнө байланыштуу суроолорго мурдагы өкмөт башчы Феликс Куловдун экономика жана энергетикалык маселелер боюнча кеңешчиси, азыр көз карандысыз талдоочу Жаныбек Оморов жооп берди.
11-январда Базар-Коргон районунун Акман айылдык кеңешинин депутаттары Конституциялык Сотко кайрылганы жатышат. Алар президенттин айрым жардыктары баш мыйзамды бузган деген фактыларга соттон баа берүүнү талап кылышмакчы. Акман айылынын депутаты Турдаалы Сулайманов “Азаттыкка” маек курду.
Монополияга каршы агенттик жыл жаңырышы менен кошо азык-түлүктөрдөн нан, ичүүчү суу, курулуш материалдардан цемент, шыйпыр кымбатташы, тейлөө тармактарында да баа өсөөрү күтүлүп жатканын кабарлады.
"Кылым шамы" укук коргоо уюмунун жетекчиси Азиза Абдрасулова Кыргызстанда журналисттердин, көрүнүктүү саясатчылардын өмүрүнө коркунуч туудурган тенденциялар сакталып турганын, кубаттуу өлкөлөр жана эл аралык уюмдар Кыргызстандагы кырдаалга карата кош стандарт саясат жүргүзүп жатканын сынга алууда.
Экономика илимдеринин доктору, профессор Жумакадыр Акенеев менен өтүп бараткан жылдагы экономикалык өнүгүү, өзгөрүүлөр тууралуу “Азаттыктын” суроолоруна жооп берди. Профессор өкмөттүн тарифтерди көтөрүү чечимин туура эмес чечим катары баалап, ал элге терс таасир тийгизет деген ойдо.
Жогорку Кеңеш депутаттары келерки жылдын бюджет долбоорун карап, талкуулашууда. Жаңы жылдын бюджети жөнүндө депутат Бегалы Наргозуев "Азаттыкка" ой-пикир бөлүштү.
Жогорку Кеңештин төрагасы кызматына бийликти колго алууга даярданып жаткан ханзааданын сөзүн эки кылбай чуркап турган жана конституциялык өзгөртүүлөр жөнүндө жаңы мыйзам долбоорун буйдалбай шыдыр өткөрүп бере турган, өтө жакын ишенимдүү адам тандоо милдети турат деп ой жоруйт Жогорку Кеңештин экс-төрагасы Мукар Чолпонбаев.
Саясат талдоочу Кубан Абдымендин баамында, Исмаил Исаковдун жактоочулары өткөрүп жаткан нааразылык акциялар чоң тополоңго алып келет деп айтыш абдан кыйын. Бирок ошол эле мезгилде К.Ташиевдин жактоочулары жана башка саясатчылар, топтор чыгышы мүмкүн. Эгерде алар биргелешүү жолуна түшсө, анда коомдук стабилдүүлүк бузула тургандай кырдаал түзүлүшү ыктымал.
Кыргызстандагы сөз эркиндигинин абалы, журналисттерге кол салуулар, маалымат кызматкерлеринин өз ара тилектештиги тууралуу “Журналисттер” коомдук бирикмесинин башчысы Марат Токоев “Азаттыкка” маек курду.
Дагы жүктөңүз
