"Азаттыктын" Бишкектеги кеңсесинин журналисти. 2009-жылы Internews уюмунун "Жылдын мыкты радио журналисти" наамын алган.
Казакстандагы Желтоксон окуясы тууралуу профессор, Кыргызстандын Казакстандагы мурдагы элчиси Тилектеш Ишемкулов "Азаттыктын" обосунда маектешти. 1986-жылы дал ушул күнү Алматыда жергиликтүү жаштардын массалык нааразылык толкуну башталган. Желтоксон козголоңу совет империясынын кыйрашына жана улуттук көз карандысыздыкка жол ачкан окуялардын бири катары бааланат.
Жогорку Кеңештин “Ак жол” фракциясынын депутаты Бейшенбек Абдразаков мамлекеттин кадр саясатындагы соңку дайындоолор боюнча "Азаттык" менен ой-пикир бөлүштү.
Отун-кубатка баанын жогорулашы, өлкөдөгү экономикалык кырдаал тууралуу “Азаттыкка” Коомдук ордо кеңештин өкүлү Орозбек Нусубалиев маек курду.
Алдыдагы конституциялык реформа тууралуу саясат талдоочу Карыбек Байбосунов “Азаттык” үналгысына маек курду.
Саясат талдоочу Нурдин Дүйшөнбековдун баамында, премьер-министр Данияр Үсөнов менен мурунку өзгөчө кырдаалдар министри Камчыбек Ташиевдин араздашуусу эки саясатчынын жеке мамилелеринен келип чыкты. Мамлекеттин кызыкчылыгы андай мамилелерден жогору туруш керек.
Кыргызстандагы активдүү партиялардын өкүлдөрү өткөн жумада Норвегия жана Финляндия өлкөлөрүндө болуп, ал жактагы партиялык система, парламенттеги партиялар тууралуу таанышып кайтышты. Алардын арасында болгон “Ата Мекен” партиясынын өкүлү Алмамбет Шыкмаматов “Азаттыкка” алдыңкы өлкөлөрдүн партиялык системасы жана шайлоо тажрыйбалары жөнүндө маек курду.
Кыргызстандын жалпы билим берүүчү мектептеринде ата-энелерден акча чогултууда көптөгөн мыйзам бузуулар орун алууда. Бул айрыкча Бишкек, Ош шаарларында жана Чүй боорундагы мектептерде күчөгөн көрүнүшкө айланган.
Европадагы Коопсуздук жана Кызматташтык Уюму кыргызстандык укук коргоочулар үчүн терроризмге каршы күрөшүү жана адам укугу тууралуу Бишкекте семинар өткөрүп жатат. Кыргызстанда бул жааттагы абал боюнча Оштогу “Эдвокаси борбор” бейөкмөт уюмунун жетекчиси Жеңиш Тороев "Азаттыктын" суроолоруна жооп берди.
Башкаруу реформасынын чегинде кайра түзүлгөн Маданият жана мамлекеттик тил агенттиги жакында өзүнүн жобосун иштеп чыгып бекитти. Улуттук баалуулуктардын башатында турган бул эки тармактын ишин уюштуруу тапшырылган агенттиктин иш багыттары, өзөктүү маселелер боюнча анын директору Султан Раев “Азаттыктын” суроолоруна жооп берди.
“Алай” коому мурдагы коргоо министри Исмаил Исаковду коргоп президентке кайрылуу жолдошту. Анда президент Курманбек Бакиевдин мурунку үзөнгүлөшү Исаковго тагылган айыптар негизсиз экени, кылмыш иши одоно түрдө, инсандык укугун тебелеп козголгону баса белгиленген.
Ошто ВИЧ/СПИД илдети тууралуу соңку жагдайлар боюнча аймактагы “Рейнбоу Инфо-борбор” коомдук корунун өкүлү Султан Мамытов “Азаттыкка” маек курду.
Социал-демократтар фракциясынын депутаты Дамира Ниязалиева мектептерди бир дем алышка жаап, чочко тумоосунун алдын алуу боюнча чараларды көрүү зарылдыгын белгилейт.
Өкмөт отун-сууга тарифтердин баарын бир учурда жогорулатуу менен элди “төө бастыга” алып, кыйнап коет деп билдирди “Азаттыкка” Жогорку Кеңештин депутаты Бейшенбек Абдразаков.
Президенттин уулу Максим Бакиевдин мамлекеттик чоң кызматка келиши боюнча коомчулукта дагы деле ар кандай сөздөр айтылууда. Бул маселе боюнча жаш саясат талдоочу Атыр Абдрахматова “Азаттык” менен ой бөлүштү.
“Эмити” коомдук корунун жетекчиси Гүлшайыр Абдрасулова Өнүктүрүү фондуна ириде элдин ишеними болуш керек деп эсептейт.
“Эркиндик үнү” корунун өкүлү Сардар Багышбеков Кыргызстанда акыйкат сот жоктугуна байланыштуу өлүм жазасын колдонууга мүмкүн эмес деп эсептейт.
Кыргызстан ишкерлер бирикмесинин жетекчиси Чыныбай Турсунбеков кыргыз-америка экономикалык алакасындагы пайдаланылбай жаткан мүмкүнчүлүктөр тууралуу сөз кылат.
Ысык-Көлдө Түп-Кеген жолунда кыргыз-казак чек арасына жакын жерде карга тыгылган унаалардан он үч адам куткарылганын Өзгөчө кырдаалдар министрлигинин маалымат кызматынын жетекчиси Абдысамат Паязов "Азаттыкка" баяндап берди.
ЕККУ Кыргызстандагы президенттик шайлоо тууралуу баяндамасын жарыялап, бир катар сунуштарды келтирди. Саясий серепчи Жыргалбек Турдукожоев болсо кыргыз бийлигинде андай сунуштарды аткаруу ниети жок деп эсептейт.
Кыргызстанда мектеп бүтүрүүчүлөрдүн билимин баалоо ыкмасы болгон жалпы республикалык тест сынагын сактоо жана өркүндөтүү керек деп эсептейт Билимди баалоо жана өнүктүрүү боюнча усулдар борборунун Камкорчулар Кеңешинин өкүлү Жаныбек Оморов.
Дагы жүктөңүз
