"Азаттыктын" Оштогу кабарчысы. 2022-жылы Ош мамлекеттик университетинин журналистика факультетин аяктаган. Улан Эгизбаев атындагы журналисттик иликтөөлөр сынагынын сыйлыктарын алган.
Ошто 19 жыл мурун дарыгерлердин шалаакылыгынан ВИЧ жуккан балдардын энелери акцияга чыкты. Алар бой жеткен балдарын турак жай менен камсыз кылууну талап кылууда.
Ошто 2007-жылы ооруканада ВИЧ жуктуруп алган балдардын ата-энелери акцияга чыкты. Алар өкмөткө кайрылып, буга чейин берилген убадалар толук аткарылбай калганын айтышты.
5-июлда Баткен облусундагы «Кадамжай» жана «Чечме» көзөмөл-өткөрүү бекеттеринде күч түзүмдөрү атайын операция жүргүздү. УКМК чек арадагы мыйзамсыз акча чогултуу боюнча коррупциялык схема аныкталганын билдирип, ондогон кызматкердин кармалганын маалымдады.
УКМК чек арада мыйзамсыз акча чогултуу боюнча туруктуу коррупциялык схема аныкталганын, Кылмыш-жаза кодексинин 342-беренеси (“Пара алуу”) боюнча кылмыш иши козголгонун маалымдады. Анын алкагында "Кадамжай" жана "Чечме" көзөмөл-өткөрүү бекеттеринде иштеген 40тан ашык киши кармалган.
Бишкектин четиндеги Кашка-Суу айылында болгон жол кырсыгы бир үй-бүлөнүн тагдырын заматта өзгөрттү. Катуу ылдамдыкта келе жаткан автоунаа жол четинде турган эне менен анын балдарын, сиңдисин сүзүп, беш адамдын өмүрүн алды.
Ошто мыйзамсыз объектилер кайра бузула баштады. Мындай имараттардын арасында мурдагы вице-мэр Нурбек Кадыровго, уюшкан кылмыштуу топтун мүчөсү, маркум Алмамбет Анапияевдин бир тууганы Калмаматка таандык жайлар бар. Мурдагы спикер Келдибековго байланышы бар делген "Байсан" рестораны да түрттүрүлдү.
Өзгөндө асынган абалда табылган 15 жаштагы окуучунун жакындары анын өлүмүнө мектептеги рекетчилик себеп болгонун айтып, ишти акыйкат тергөөнү талап кылууда. Бул арада өлкөдө өспүрүмдөр арасындагы сyuцuд учурлары көбөйүп жатканы айтылып, бул маселе күн тартибине чыкты.
Ош облусунун Кара-Суу районундагы Жаңы-Арык – Кызыл-Суу жолунда болгон жол кырсыгынан Ынтымак айыл өкмөтүнүн төрт кызматкери каза болду. Унаа жардан кулап, Куршаб дарыясына түшүп кеткен. Маркумдардын үчөө айыл башчысы, бири айыл өкмөттүн кызматкери болгон.
Мамлекет башчы Садыр Жапаров бул күндөрү Ош облусунда иш сапарда жүрөт. Ал бир топ жерди кыдырарын басма сөз кызматы билдирди. Оштогу жолугушууда эл мурдагы мэр Жеңишбек Токторбаевдин тушунда мүлк укугу тебеленгенин айтты. Жапаров экс-мэрдин кемчилиги үчүн өзү да жоопкерчилик сезерин билдирди.
Чек ара кызматынын жоокери, Ош облусундагы "Эркечтам" өткөрүү пунктунда келишимдик негизде кызмат өтөп жатып өмүрүнө кол салды делген 22 жаштагы жигиттин абалы оор. Ал дагы эле эсине келе элек. Учурда Гүлчөдөгү шаардык оорукананын жандандыруу бөлүмүндө жатат.
Ош шаарынын Алишер Навои көчөсү 2025-жылы кеңейтилип, 60дан ашуун үй бузулган. Алардын ичинен жети үй-бүлөгө гана убада кылынган үй берилген. Калган тургундар кенемте ала электигине тынчсызданып, “Азаттыкка” кайрылды.
Оштун Өзгөн районунда аламан улак оюнун көргөнү келген эки кишинин кырсыкка кабылышы коопсуздук маселесин кайрадан күн тартибине чыгарды
Ош облусунда эки айлык ымыркайдын өлүмүнүн себептери териштирилип жатат. Баланын жакындары аны денесин тилдирип, кан чыгаруучу процедурага алып барып жүрүшкөнүн билдиришти.
Өзгөндө эки айлык ымыркай кыйма жасаткандан кийин чарчап калганы кабарланды. Дарыгерлер наристе ооруканага өтө оор абалда келгенин, канында гемоглобини кескин түшүп кеткенин, ага кыйма себеп болушу мүмкүн экенин белгилейт. Окуя боюнча милиция териштирүү баштады.
Ош аэропортунан Орусияга күн сайын онго жакын аба каттамы аткарылат. Москва баштаган ири шаарларга жүздөгөн жүргүнчү жол тартат. "Азаттык" миграциялык талаптар катаалдаган шартта бул өлкөгө сапар алган кыргызстандыктарды кепке тартты.
Ошто милиция 1-класстын окуучу кызына чоң кишинин ыдыгы болгону тууралуу арызды териштирип жатат. Шаардык ички иштер башкармалыгы бул окуяга байланыштуу жалпысынан эки арыз түшкөнүн билдирди. Биринчи арызды кыздын апасы, ал эми экинчисин алар айыптап жаткан киши жазган.
