Кубат Оторбаев, Прага Жекшембиде Лос-Анжелесте “Эл тандоосу” деп аталган сыйлыктын кезектеги 31-жыйынтыгы чыгарылды. Америкалык көрармандар “Фаренгейт боюнча 9/11” аттуу документалдык фильмди “2004-жылдын эң мыкты фильми” деп аташты. Президент Жорж Буштун саясатын сынга алган даректүү тасманы тарткан режиссер Майкл Мур бул сыйлыкты балдары Иракта аскердик милдет өтөп жүргөн ата-энелерге арнай тургандыгын билдирди.
Жаңы жылдын түнү жомоктогудай окуяларга бай болот эмеспи. Американын Денвер шаарындагы үйсүздөр жаңы жылга аз калганда конолгонун жанына бир жип машине келип токтоп, айдоочу жүз долларлык купюраларды алып чыгып, элге тарата баштаганын айтып беришти...
Төрөкул Дооров, Москва. Жаңы жыл майрамын Орусиянын баш калаасында жашап, иштеп жүрүшкөн кыргызстандыктар биргеликте белгилешти. Бул жолу «Кыргыз биримдиги» уюму, студенттер жана башка топтор өткөрүшкөн түрдүү кечелер бир канча ирет мекендештердин башын бириктирип, жылуу маанайда өттү.
Айданбек Ташкенбаев, Бишкек 23-декабрда Бишкектеги Абдылас Малдыбаев атындагы опера жана балет театрында Кыргыз улуттук жазуучулар биримдигин уюштуруу курултайы болот. Ага мамлекет башчысы Аскар Акаевдин катышуусу күтүлүүдө.
Түркүн тилдерде сүйлөгөн черногориялык, алатоолук жана орхондук өнөрпоздор бир эле театр сахнасында өз эне тилинде ойноп, орток пьесаны сахналаштыра алабы? Салттык театр өнөрүндө бул – мүмкүн эмес көрүнүш. Азыркы европалык драма өнөрүндөгү оригиналдуу багыт болсо тилдер менен дилдердин жуурулушуусуна жетишкен дал ушундай ыкмага негизделген. Жекшембиде Прага шаарындагы «Алфред-ве-дворе» театрында көрүүчүлөргө сунуш кылынган жаңы оюн тууралуу азыноолак кеп козгойлу.
Бүгүнкү «Талант тагдыры» түрмөгүнүн жаңы саны кыргыз композиторлорунун чыгармачылыктарынын өзүнчө бир уясына айланган Союздун уюшулганына 65-жыл толгонуна, басып өткөн байсалдуу жолуна арналат.
Нарын Айып, Прага Интернет дүйнөсүндөгү эң күчтүү издөө системаларынын бирин түзгөн "Гугл" компаниясы келерки 5-6 жылдын ичинде бир нече миллион китепти компьютерлештирип, атайын китепкана түзө турганын жарыялады. Андай болгондо, дүйнөдөгү эң белгилүү китепканалардагы китептер менен гезит-журналдарды интернет аркылуу таап-окуса болот жана ал белгилүү ченемде бекер болот. Кээ бир эксперттер бул демилгеге XV-кылымда китеп басып чыгаруу башталганга тете окуя деген баа берүүдө.
Ырысбай Абдраимов, Жалалабат «Азаттык» үналгысынын негиздөөчүлөрүнүн бири Азамат Алтай көп жылдардан бери Кошмо Штаттардын Ньюйорк шаарында жашаганы менен жүрөгү кыргыз деп согуп турат. Ал Жалалабат Университетинин мыкты окуган жана көп бүлөдөн чыккан студенттери үчүн стипендия уюштурган. Чет өлкөгө куш тилиндей кат чыгартпаган Совет биримдиги мезгилинде Кыргызстандан алдырып топтогон адабий-маданий журнал-гезиттерин ушул Университетке тартуулаган.
Шайырбек Мукарамов, Прага Прага шаарындагы чех жана кыргыз жамааттары кыргыздардын маданий кечесин уюштуруп, ага Чехиянын ордо калаасында жашап жаткан америкалык жана европалык маданият изилдөөчүлөр, өнөр адамдары жана бөтөн элдин маданиятына, жашоо-шартына кызыккан чех жаштары катышты.
Тарыхта жазылгандай усундар азыркы Кыргызстандын аймагында жашаган калк болгон. Кытай жазма булактары усундардын бойлору узун, көздөрү көк, өңү сары адам болушкан деп сүрөттөшөт. Мындан улам айрым илимпоздор усундарды энесайлык кыргыздардын теңиртоодогу бир бутагы деп эсептешет.
«Эр жигитке жетимиш өнөр аздык кылат» дегендей орто муундагы Жоомарт Кадыралиев жумурай-журтка сүрөтчү-монументалист-живописчи эле эмес, ал обончу, комузчу-күүчү, домбрачы катары да белгилүү.
Султан Абдырахманов, Бишкек Белек Солтоноев1878-жылы Сарыөзөнчүйдүн төрүндөгү Чоң Кеминдин Тегирменти айлында төрөлүп, жаштайынан тил үйрөнүп сабатсыздыгын жоюп кыргыз тарыхын иликтөөгө башоту менен киришкен.
Дагы жүктөңүз
