Шаардык милициянын маалыматына караганда, генерал Анатолий Трофимов белгисиз адамдардын огунан каза тапты. Аны менен кошо ок жеген жубайы оор абалда. Жергиликтүү маалымат каражаттары бул окуяны ФСБ башчысынын мурдагы орун басарынын бизнес иштери менен байланыштырышууда. Генерал Анатолий Трофимов ФСБ директорунун орун басары жана Москва боюнча бөлүмүнүн башчысы катары, президент Борис Ельциндин тушунда,1996-жылга чейин иштеген.
