БИШКЕК. Юстиция министри Марат Кайыпов 24-октябрда өкмөт үйүндө өткөн күч структуралардын жыйынында Жазык-аткаруу башкы башкармалыгынын жетекчиси катары Капар Мукаевди тааныштырды. Бул тууралуу президенттин басма сөз кызматынан билдиришти. Капар Мукаев буга чейин Улуттук коопсуздук кызматынын тергөө абагынын жетекчиси болуп иштеген. Ал эми ЖАББнын мурдакы жетекчиси Ихматулла Полотов №31-колониядагы окуяда жаракат алып, оор абалда ооруканада жатат.
