Орусиянын "Газпром" ишканасы бүгүн билдиргенге караганда, Украина аймагы аркылуу Европага кеткен газ куурларынан Украина өзүнө чегерилгенден көп газ алып жаткандыктан, ага каршы чара көрүлөт. Украинанын "Нафтогаз" компаниясынын башчысы Олексий Ивченко бүгүн - акыркы күндөрдө демейдегиден өтө суук болгондуктан, Украина январда өзүнө бөлүнгөн газдан чындап эле көп алганын моюндады, "Газпромдун" айтымында болсо, Маскөө ага уруксат берген эмес.
