БИШКЕК. Рысбек Акматбаевдин жактоочулары анын депутаттык жарыштан четтетилгенин уккан соң бүгүн түштөн кийин нааразылык билдирип чыга башташты. Ысыккөлдөгү кабарчыбыз Рита Нурмамбет кызынын билдиргенине караганда, Карой айылында миңге чукул адам чогулуп, Рысбек Акматбаевдин талапкерлигин калыбына келтирүүнү талап кылышууда. Ошол эле учурда алар азыр Балыкчы-Чолпоната жолун төрт жерден тосуп турушат. Акматбаевдин тарапкерлери эртеңден тарта Бишкекте нааразылык чараларын башташаарын да билдиришүүдө.
