БИШКЕК. Депутат Камчыбек Ташиев бүгүнкү жыйында кесиптеши Кадыржан Батыровдон бул маселени түшүндүрүп беришин талап кылды. Депутат Батыров шайлоочулары өзбек тилине расмий макам берилишин каалап жатканын жана бул алардын укугу экенин айтты. Бир топ депутаттар мындай талапка кескин каршылык билдиришип, улуттар аралык чыңалууну пайда кылбаш үчүн өзбек улутундагы кесиптештеринен бул маселени козгобоону өтүнүштү.
