Гаага шаарында соттолуп жаткан cербиялык улутчул саясатчы Воислав Шешел бир айга жакын уланган ачкачылыкты кечээ күнү токтото турганын билдирди. Аны соттоп жаткан Эл аралык трибунал Шешелдин айрым талаптарын аткарууга макул болду - эми анын аялы ага качан кааласа келе алат, Шешел сотто өзүн өзү коргоого укук алды жана соттордун үчөө алмаштырылмай болду. Шешел - 1990-жылдардагы ич-ара согуш учурунда мусулмандарга каршы тукум курут саясат жүргүзгөнгө катышкан деп күнөөлөнүүдө.
