Ирандын президенти Махмуд Ахмадинеджад Израил Советтер Союзу сыяктуу дүйнө картасынан жоголот деп Холокост боюнча Тегеранда өтүп жаткан конференцияда билдирди. Анын сөздөрү кол чабуулар менен кабыл алынды. АКШ Ахмадинежаддын мындай сөзүн “мыйзамды бузуу” деп атады. Иран өкмөтү уюштурган бул жыйында Экинчи дүйнөлүк согуш учурунда жөөттөрдүн массалык түрдө кырылышына күмөн санаган Европанын жана АКШнын ишмерлери катышууда. Конференциянын өтүшүн АКШ,Германия жана Израил сынга алды.
