Бейшембинин кечине чейин АКШ тарап Белоруска татыктуу жобун берет, Вашингтондогу Белорус элчилиги менен Нью-Йорктогу консулдукта иштеген алты дипломатты айдап чыгат деп айтылып жаткан.
Мамлекеттик департаменттин өкүлү Том Кэйси 1-майда өткөн маалымат жыйынында америкалык 10 дипломат 72 саат аралыгында Белорустан чыгып кетээрин тастыктады. АКШнын Евробиримдик менен чогуу мартабалуу белорус чиновниктерин, анын ичинде президент Лукашенкону виза укугунан ажыратуусуна, ошондой эле «Белнефт» кампаниясынын банктардагы эсептерин убактылуу камакка алуусуна ырасмий Минск ушундай жооп берди. Береги чаралар Белорустагы адам укугун бузууларга байланыштуу кабыл алынган эле.
Жыл башында эле АКШнын Минскидеги элчилигинде 35 өкүл иштечү. Белорус тараптын соңку кадамынан кийин америкалык элчиликте төрт эле дипломат калат. Том Кэйси ырасмий Минскинин дипломаттык майдандагы кысымын «мыйзамсыз жоро» деп атады:
-Бул негизи жок чара. Ага Кошмо Штаттардын Белорустагы демократияны жана адам укугун коргоочу кыймылдардын активистерин колдогону себеп болду. Белорус бийликтеринин аракети өлкөнү ого бетер изоляцияга түртөт жана Белорусту эл аралык коомчулуктун толук укуктуу мүчөсү болуу максатынан алыстатат.
Том Кэйси ошол эле учурда Мамлекеттик департамент Белорустун америкалык дипломаттарды айдап чыгуусуна каршы кандай чара көрүүнү ойлоп жатканын кулак какты кылды:
- Биз алардын аракетине тынчсыздануубузду билдирдик. Бул өз ара дипломаттык мамилелердин болочогу үстүнөн олуттуу ойлонобуз дегенди түшүндүрөт. Бирок ушу тапта кандайдыр бир чечим кабыл алына элек.
Непада белорус дипломаттары Кошмо Штаттардан айдалып чыкса, АКШ- Белорус ортосундагы дипломаттык алакаларга кандай таасир этиши мүмкүн? Бул суроого Кэйси дипломаттык байланышты кармап туруу мүмкүн экенин, бирок өлкөдө экинчи тараптын ырасмий өкүлдөрү болбогон шартта өз ара иштешүү абдан татаал болот деди.
«Ассошэйтед пресс» агенттигинин Мамдепартаменттеги булактарга шилтеп кабарлашынча, Вашингтон азыр Белорустагы элчилигин жаап, АКШнын кызыкчылыгын коргоочу үчүнчү тарапты издечү абалда турат. Мындай кабарды Том Кэйси дегеле укпаганын айтты.
Мамлекеттик департаменттин өкүлү Том Кэйси 1-майда өткөн маалымат жыйынында америкалык 10 дипломат 72 саат аралыгында Белорустан чыгып кетээрин тастыктады. АКШнын Евробиримдик менен чогуу мартабалуу белорус чиновниктерин, анын ичинде президент Лукашенкону виза укугунан ажыратуусуна, ошондой эле «Белнефт» кампаниясынын банктардагы эсептерин убактылуу камакка алуусуна ырасмий Минск ушундай жооп берди. Береги чаралар Белорустагы адам укугун бузууларга байланыштуу кабыл алынган эле.
Жыл башында эле АКШнын Минскидеги элчилигинде 35 өкүл иштечү. Белорус тараптын соңку кадамынан кийин америкалык элчиликте төрт эле дипломат калат. Том Кэйси ырасмий Минскинин дипломаттык майдандагы кысымын «мыйзамсыз жоро» деп атады:
-Бул негизи жок чара. Ага Кошмо Штаттардын Белорустагы демократияны жана адам укугун коргоочу кыймылдардын активистерин колдогону себеп болду. Белорус бийликтеринин аракети өлкөнү ого бетер изоляцияга түртөт жана Белорусту эл аралык коомчулуктун толук укуктуу мүчөсү болуу максатынан алыстатат.
Том Кэйси ошол эле учурда Мамлекеттик департамент Белорустун америкалык дипломаттарды айдап чыгуусуна каршы кандай чара көрүүнү ойлоп жатканын кулак какты кылды:
- Биз алардын аракетине тынчсыздануубузду билдирдик. Бул өз ара дипломаттык мамилелердин болочогу үстүнөн олуттуу ойлонобуз дегенди түшүндүрөт. Бирок ушу тапта кандайдыр бир чечим кабыл алына элек.
Непада белорус дипломаттары Кошмо Штаттардан айдалып чыкса, АКШ- Белорус ортосундагы дипломаттык алакаларга кандай таасир этиши мүмкүн? Бул суроого Кэйси дипломаттык байланышты кармап туруу мүмкүн экенин, бирок өлкөдө экинчи тараптын ырасмий өкүлдөрү болбогон шартта өз ара иштешүү абдан татаал болот деди.
«Ассошэйтед пресс» агенттигинин Мамдепартаменттеги булактарга шилтеп кабарлашынча, Вашингтон азыр Белорустагы элчилигин жаап, АКШнын кызыкчылыгын коргоочу үчүнчү тарапты издечү абалда турат. Мындай кабарды Том Кэйси дегеле укпаганын айтты.
