Ирандын президенти Махмуд Ахмадинежад шайлоо өнөктүгүн Тегерандагы митингде сүйлөгөн сөзү менен баштады. Ахмадинежад шайлоодогу атаандаштарын Ирандын душмандары деп атап, аларды иттерге салыштырды. Анын алдында Ахмадинежаддын негизги атаандашы деп эсептелген реформачыл саясатчы Мир Хусейн Мусави азыркы бийликти оор экономикалык абал үчүн кескин сынга алган. 12-июнга белгиленген президенттик шайлоого төрт талапкер ат салышууда.
