Багдаддагы кечээки жардыруулардан курман болгондордун саны кеминде 132 кишиге жетти. 500дөй киши жараат алды. Бир жардыруудан Ирактын Юстиция министрлиги жабыркады. Экинчиси губернатордун кеңсесинде болду. Кол салуулар үчүн жоопкерчиликти өзүнө эч ким алган жок. Бирок айрым маалымат агенттиктери кабарлаганына караганда, бийлик бул карасанатайлык "ал-Кайида" же тыюу салынган БААС партиясынын колунан келген иш деп шектенүүдө. Жардыруулар болгон жерге премьер-министр Нури ал-Малики барып кетти.
