Human Rights Watch жана Журналисттерди коргоо комитети баштаган тогуз эл аралык укук коргоо уюму өзбек бийлигин саясий туткундарга мунапыс берүүгө чакырды. Мындай билдирүү президент Ислам Каримовдун абактагыларга мунапыс берүү чечими өлкө парламентинде жактырылгандан кийин жасалды. Өзбекстанда конституциянын 20 жылдыгына карата жарыяланган мунапыска саясий негизде эркинен ажыратылган адамдар кирген эмес. Эл аралык укук коргоо уюмдары Өзбекстандагы көпчүлүк саясий туткундардын абалы начардыгын билдирүүдө. (KKs)
