Линктер

ЧУКУЛ КАБАР!
17-Октябрь, 2021 жекшемби, Бишкек убактысы 22:44

Самаковго каршы көрсөтмө берген адам айткандары жалган экенин билдирди


Эки күн мурда камакка алынган депутат Карганбек Самаковго каршы көрсөтмө берген негизги күбөлөрдүн бири (депутаттын мурдагы жардамчысы) күч органдарына берген маалыматы жалган экенин айтууда. Бул тууралуу “Азаттыкка” депутаттын жакындары кабарлашты.

Маалыматка ылайык, күбө 17-май күнү Самаковдун адвокаты Икрамидин Айткуловго келип, прокуратурага берген маалыматтары жалган экенин, муну депутаттан өч алуу максатында жасаганын билдирген. Адвокат анын айткандарын кагазга өз колу менен жаздырып алган. Күбөнүн жазганына караганда, мурда Самаков менен пикир келишпөөчүлүккө барып, ызаланып жүргөнү үчүн ага каршы көрсөтмө берген.

Күбө абийири жол бербей, адвокатка ачыгын айтканын, Башкы прокуратурага да барып, мурдагы көрсөтмөлөрүнөн баш тартарын белгилеген. Бирок бул боюнча башкы көзөмөл органы азырынча комментарий бере элек.

Карганбек Самаковго Бишкектин айланасындагы 260 гектардан ашык жерди мыйзамсыз менчиктеп алган деп 14-майда кылмыш иши козголгон. Эртеси күнү УКМКнын тергөө абагына камакка алынган.

Ушул тапта анын баш коргоо чарасы Октябрь райондук сотунда каралууда. (SE)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG