“Эркиндикти сүйгөн” өлкөлөр биригип туруп, Орусиянын агрессиясына жана “Ислам мамлекети” (ИМ) тобунун согушчандарына жооп бериши шарт.
Мындай оюн АКШ сенатору Рожер Викер 4-июлда Прагада “Эркин Европа/Азаттык” радиосуна берген интервьюда айтты. Анын оюнча, президент Путиндин Украинадагы аракеттерине дүйнөнүн жообу “чечкиндүү” болуп, кубатын көрсөтүшү абзел. Эл аралык коомчулук ушундай эле чекиндүүлүгүн ИМга да көрсөтүшү зарыл.
Рожер Викер - АКШнын Хельсинки комиссиясынын теңтөрагасы. Москванын Крым жарым аралын аннексиялап алуусу, Грузия, Молдова, Украинадагы жикчил күчтөрдү колдоосу - Хельсинки келишиминин принциптерине жана БУУнун Хартиясына карамандай каршы келет,- деди Викер.