Чаткалдагы Чаарташ алтын кенинде чалгындоо иштерин жүргүзүүгө кайрадан аукцион жарыяланды. Бул тууралуу өкмөткө караштуу Өнөр жай, энергетика жана тоо кен мамлекеттик комитетинен кабарлашты.
Маалыматка ылайык, аукцион 6-октябрда өтөт. Лицензиянын башкы баасы 690 миң сом деп бааланды. Кенде 20 тоннага жакын алтын запасы бар деп болжолдонууда. Буга чейинки аукцион инвестор жок болгондуктан август айында өтпөй калган. (BkA)
