Өлкөнүн коопсуздугу үчүн киргизилген чукул кырдаал 2017-жылдын, июль айына чейин созуларын премьер-министр Бернар Казнёв маалымдады. Анын айтуусунда, өкмөттүн бул сунушу 13-декабрда бекитилет.
Францияда чукул кырдаал өткөн жылы 13-ноябрдагы теракттан кийин киргизилип, бир нече жолу узартылган. Бул убакытта исламчы-террористтер Францияда дагы бир нече жолу чабуул жасашты.
Чукул кырдаалдар массалык демонстрацияларды өткөрүүгө тыюу салып, коомдук жайларды жабууга жана айрым аймактарда кыймылды чектөөгө мүмкүнчүлүк берет. Франциядагы шаарларды аскер кызматкерлери көзөмөлдөшөт.
